أهم تطوير في الداش بورد لحد دلوقتي

عزيييييزي ..
مساء الفل عليك .
------
علشان عايز أسهل عليك الدنيا وأعلي من مستوى شغلك ..
عملتلك شوية تطويرات في لوحة التحكم أقدر أقولك انهم من أهم التطويرات اللي عملتها من لحظة م عملت اللوحة ..
من غير رغي كتير هسردهملك ..
---------
1- علشان أهم حاجة في Wordpress هو نظام ال Plugins .
أي حاجة عايز تعملها .. ممكن تعمل لها Plugin ..
ف أنا ربطتلك نظام ال Modules اللي كلمتك عنه المرة اللي فاتت ..
وخليتك تقدر تطور Plugin بنفسك . أو أي حد يقدر يطور Plugin وتقدر تاخدها منه وترفعها عندك من ال Dashboard وهتلاقي ال Plugin اتثبتت وانشئت صلاحيات تلقائياً وضافتها لل superadmin وأنشئت ال Tables بتاعتها تلقائياً.
وزي م قلتلك قبل كدا ..
وتقدر تخلي ال Plugin تظهر في القائمة الرئيسية لو حسيت ان الاضافة رئيسية وممكن تخليها تظهر تحت قسم الاضافات .. كل اللي عليك إنك وانت بتنشئ ال module . تغير ال type بيت main و plugin .
كمان يا عزيزي لما أطورلك حاجة في ال Dashboard كل اللي هعمله اني هطور التطوير وهديك Zip File وانت بس هتعمل رفع لل plugin من الاضافات وتلقائياً هتترفع وتتثبت في النظام عندك من غير م تحتاج تحدث ال dashboard كلها ..
---------
2- ركبتلك دعم الصور WebP .. 
لو متعرفش هتفيدك بأيه الصور لما ترفعها وتتحول تلقائياً ل Webp 
- أولاً وأهم حاجة الصور حجمها بيقل أكتر من 80% .
- ثانياً الصور تقريباً بتكون بنفس الجودة أو أقل شوية .
- ثالثاً ودي مهمة جداً إن دا الجيل الجديد من الصور على الويب ، انها هتكون بالصيغة دي ..
- رابعاً ودا ميزة جامدة جداً .. إن الصور حجمها بيكون أقل من Jpg وفي نفس الوقت بتحتفظ بشفافية الصور ال Png ..
واستخدمتلك Laravel Image V3 النسخة ال alpha وشايف تطوير ممتاز فيها الحقيقة .
---------
3- حبايبنا اللي بيسألو لو تنفع لل LTR ..
ف أنا طورتلك ال ltr-css-file لو شغلته هتلاقيي اللوحة تلقائياً اتجاهها اتحول ل ltr تقدر تغير نصوصك وتتعامل بنفس الطريقة ..
---------
4- لو انت بتعدل مقال أو بتعمل أي حاجة تخص المقالات مثلاً .. هتلاقي لسه فيه active class على ال link اللي في القائمة الجانبية علشان يعرفك انك لسة في قسم المقالات ..
ولو المقالات دي تندرج تحت قائمة رئيسية . ف القائمة الرئيسية هتفضل مفتوحة هيا كمان ..
---------
5- تقدر دلوقتي تنشئ قوائم وقوائم فرعية منها علشان الناس اللي كانت زعلانه ان ال Dashboard مفيهاش قوائم فرعية
---------
وحسنتلك كتييير يا عزيزي في الواجهة ..