عزيزي ..
شايفك حزين على سعر الجنيه مقابل الدولار ..
ولا يهمك يا عزيزي ..
اسمع بس نصايحي وتابع هاش تاج #نصائح_مطوري_الويب وهتشتغل بالدولار إن شاء الله ..
---------
وكالعادة يا عزيزي ..
علشان أسهل عليك الدنيا أكتر كنت عملتلك كود زمان بيمكنك من رفع مشروع لارافيل بكود طويل عريض ..
ودا كان طبيعي شوية خطوات كتير كدا لازم تعملهم لو انت مش بتستخدم docker ..
وحابب أراجع معاك السيناريو لو انت معاك vps ubuntu مثلا وحابب تثبت عليه
php - nginx - mysql
المفروض انك بتعمل الآتي ..
?1- المفروض بتعمل update لل repos اللي ال instance بتاعتك بتسحب منها ال packages
?2- تبدأ تثبت ال composer .. ويكون V2 علشان لو ثبتت الافتراضي بينزل V1 للأسف ..
?3- بتحذف Apache لأن أحياناً ال Instances بتيجي ب Apache
?4- بتبدأ تثبت Nginx وتبدأ تعمل تحسين لل config بتاعه
?5- بتبدأ تفتح ال Ports الضرورية زي 80 و 443 ل Nginx
?6- بتبدأ تعمل restart ل Nginx علشان الدنيا معاك تبقى متحدثة بعد م عملت optimize
?7- بتبدأ تحدث ال repos بتاعة ال instance علشان تشاور على php8.1 على الأقل .. علشان للأسف الافتراضي لسه بيشاور على php7.4
?8- بتبدأ تثبت ال packages اللازمة ف php8.1 علشان laravel يشتغل بشكل ممتاز
?9- بتثبت npm علشان لو عندك assets ومحتاج تعمللها compling ولا حاجة
?10- بتبدأ تثبت Certbot علشان تبدأ تسحب منها certificate لل web server بتاعك
?11- بتبدأ تثبت certificate لل domain بتاعك
?12- بتبدأ تعمل Restart ل Nginx مرة تانية علشان ال certificate تشتغل بشكل كويس
?13- بتبدأ بتحول كل ال requests من http ل https
?14- بتبدأ تحول كل ال requests من روابط بتبدأ ب www لروابط بدون www (علشان السيو)
?15- بتبدأ يا عزيزي تثبت MySql (لو مش متثبة) وتعمل Optimize ليها وتحذف ال demo data
?16- بتاخد ال root password وتخزنه عندك علشان ممكن تحتاجه
?17- بتبدأ تعمل Push لل cronjobs بتاعة لارافيل .. زي انك تشغل ال schedule وال queuing .. و git pull
?18- بتحذف ال packages الزايدة عندك من ال instance علشان تبقى نضيفة وزي الفل
?19- وأخيراً بتعمل restart لل nginx علشان ياخد آخر تحديثات عندك
---------------
أنا بقى يا عزيزي عملتلك Bash بتعملك ال 19 حاجة دول مجرد م ترمي الكود دا في terminal عندك بعد م تربط ال domain بال vps ( سطر واحد فقط )
wget https://raw.githubusercontent.com/peter-tharwat/new-ubuntu-laravel/master/script.sh ; sudo chmod +x script.sh ; ./script.sh -d example.comكل اللي عليك يا عزيزي انك هتستبدل example.com بالدومين اللي انت عايز تركبه عندك
ولو عايز تشوف ايه اللي بيتثبت حالياً Live تقدر تكتب الأمر دا في Tab جديدة
tail -f script_log.logتقدر يا عزيزي تشوف ال bash اللي عملتهولك على Github من هنا
https://peterayoub.me/article/install-lemp-single-line
ومتنساش تعمل Star يا عزيزي على Github كالعادة
https://github.com/peter-tharwat/new-ubuntu-laravel
كتبتلك الكلام دا في 259 سطر كود ..
وتقدر تنفذهم كلهم بالسطر دا بعد م تستبدل domain.com بالدومين اللي انت عايزه
wget https://raw.githubusercontent.com/peter-tharwat/new-ubuntu-laravel/master/script.sh ; sudo chmod +x script.sh ; ./script.sh -d example.com
الجمييييييل يا عزيزي ..
انك بعد م ترمي الكود مش بيطلب منك أي حاجة نهائياً .
وأي Step من دي بتخلص بيكتبلك تحتها SUCCESS
وبتبقى عارف احنا في أي Step من ال 19 step اللي فاتوا ..
وكدا أكون وفرت عليك كل الخطوات دي في حوالي 120 ثانية (فترة تنفيذ الكود على السيرفر)
لو عايز أفضل VPS من وجهة نظري شوف البوست دا
https://www.facebook.com/groups/web.developers.tips/posts/282391957300403/
لو انت بقى يا عزيزي بتحب النوع دا من الأكواد تقدر تراجع ال repo دي عملتهالك زمان على notion
https://peterayoub.notion.site/UseFull-Commands-3716a5ef0e4f4f52846d22abe7e333da
ولو حابب الأدوات الجاهزة تقدر بكل بساطة تراجع أدوات نفذلي
https://tools.nafezly.com
متنساش بس يا عزيزي تتابع هاش تاج #نصائح_مطوري_الويب
سلام يا عزيزي ❤️
